NATURACERVO

2010-05-11T13:59:00.000-07:00

Este ano acabamos de facer o que empezamos o ano pasado

As nosas fontes

2010-05-11T13:35:00.000-07:00

Estamos facendo coa participación de todo o alumnado, distribuido en equipos por parroquias, un traballo de investigación sobre as fontes do noso concello, coa participación tamén de toda a comunidade educativa (adxuntamos modelos de entrevistas ás familias e viciños e tamén de observación das fontes). Co traballo recollido estamos en proceso de elaborar distintos traballos: libros, murais, actividades LIM para o ordenador... Tamén procuramos dentro desta actividad traballar o obxectivo da biodiversidade.
Partimos de facer un rincón na biblioteca do centro onde aparece un mural-mapa do concello onde pretendemos situar fotos e información de tódalas fontes, ademais colocamos neste rincón toda a información que necesitamos para a elaboración do traballo.

zoqueiro

2009-12-11T15:47:00.001-08:00

Os títeres

2009-12-11T15:38:00.001-08:00

taller de serigrafía

2009-12-11T15:26:00.000-08:00

na cerámica

2009-12-11T15:05:00.000-08:00

Obradoiros en Mondoñedo

2009-11-23T13:27:00.000-08:00

O venres 20 de novembro estivemos de excursión en Mondoñedo.
Estivemos vendo distintos obradoiros.
O de alfareiro ensinounos a utilidade de distintas pezas, a facer pezas a man, nun torno antigo, nun torno eléctrico e logo experimentamos a facer algo en barro-
No de serigrafía pintamos un motivo moi fermoso e trouxemos a nosa obra para a casa.
No de títeres ensinounos a montar o escenario, como se facían os títeres,...
No de zoqueiro vimos como se facía unha zoca ao xeito tradicional, e mostras de distintos tipos de zocas...
E por último no de pasterleiría fixemos uns debuxos con chocolate e logo borrámolos coa lingua, estaban riquísimos.

premio voz natura de Lugo 09

2009-11-19T16:00:00.000-08:00

O ano 2009 foi o do premio provincial para o ceip de Cervo. Aquí vemos ao profesorado montando a exposición na Coruña

2009-11-19T15:50:00.000-08:00

outra foto para a prensa

2009-05-20T08:57:00.000-07:00

Aquí estamos alumnado e profesorado, ao lado dos aparellos con placas solares, na entrada do noso colexio de Cervo.

Temos o premio provincial de voz natura

2009-05-20T08:53:00.000-07:00

Hoxe viñéronos quitar unha foto os da Voz de Galicia, saímos todos e todas, somos premio voz natura da provincia de Lugo. Menudo alegrón.

premio voz natura 09

2009-05-14T13:15:00.000-07:00

¡ESTAMOS DE NORABOA!
- COMUNICÁRONNOS POR TELÉFONO QUE NOS CONCEDÍAN O PREMIO PROVINCIAL DESTE ANO DE VOZ NATURA.
- ESTE ANO NA FESTA DO 6 DE XUÑO, NA CORUÑA, O NOSO CENTRO SUBIRÁ A RECOLLER UN PREMIO.
- XA VOS INFORMAREMOS EN QUE CONSISTE.

Mais xogos con placas solares

2009-05-14T13:10:00.000-07:00

Hoxe 14 de maio, Kevin un alumno de 5º chegounos con este fermoso tiovivo feito con moitísima cor, con bonecos de xoguete, e sobre todo con moita imaxinación.

tiovivo de Kevin de quinto

2009-05-14T13:09:00.001-07:00

animais e plantas en perigo de extinción

2009-05-06T12:49:00.000-07:00

Estes días temos no centro unha pequena mostra de flora e fauna que están en perigo de desaparecer e polo tanto de diminuir a nosa biodiversidade

2009-05-06T12:37:00.002-07:00

actividades de maio 09

2009-05-06T11:30:00.000-07:00

O alumnado de terceiro de primaria, fixo este fermoso campo de xirasoles. Dous levan placas solares e teñen vida. Forman un conxunto precioso no que non faltan nin as pipas.

os xirasoles

2009-05-06T11:29:00.001-07:00

Rincón das sementes e aromáticas

2009-04-21T09:40:00.000-07:00

Neste rincón temos unha exposición de plantas aromáticas secas, herbas, sementes, conchas e algas, ... que se foron recopilando ao longo dos cursos pasados, feito por alumnado do centro, e que pretende seguir crecendo.

aparellos con placas

2009-04-21T06:15:00.000-07:00

O luns, 20 de abril, Claudia de quinto de primaria apareceu con este tren que fuuniona con placas solares, axudoulle a súa irmá Ana e a súa nai. Este tren é unha maravilla: da voltas, aparece e desaparece, ten uns personaxes que soben as escaleiras, saen por unha ventá, van subidos nun vagón,...toda unha obra de arte.

os maiores fan bonecas de millo

2009-04-17T12:03:00.000-07:00

Este alumnado fixo cousas tan fermosas coma estas.

Como vedes puxéronlle imaxinación.

visita ao parque de Sotavento (09)

2009-04-16T14:52:00.000-07:00

BubbleShare: Share photos - Play some Online Games.

actividades 09 (no río Xunco)

2009-04-16T14:43:00.001-07:00

Este outono observamos o estado do noso río: acidez da auga, contaminación, fauna máis abundante, velocidade do caudal, esquema-debuxo dun cachiño(desde o muíño do Pernán ata o do Mornelo) e moitas outras actividades. En maio volveremos a visitalo, pasámolo moi ben e mollámonos máis.

2009-04-16T14:39:00.001-07:00

actividades 09 (mosaico)

2009-04-16T14:15:00.000-07:00

Estes días estamos facendo un trozo de mosaico co motivo de: " amor e paz". Aquí vemos os de quinto traballando a tope, os primeiros días é moi divertido, pero logo ...

visita a exposición "biodiversidade"

2009-04-16T14:12:00.000-07:00

2009-04-16T13:58:00.001-07:00

actividades natura 09

2009-04-16T13:33:00.000-07:00

Estes días o alumnado de 2º e 3º ciclo anda moi animado a facer aparellos con placas solares. Aquí tedes aos de cuarto cun barco e unha fonte que sube auga cando a placa está ao sol.

actividades 09

2009-04-14T14:22:00.001-07:00

Os de cuarto de primaria están plantando patacas na súa parcela do invernadoiro

Infantil planta un bulbo (marzo 09)

2009-04-14T14:06:00.001-07:00

O alumnado de infantil segue as explicacións da profesora

Actividades 09

2009-04-14T07:29:00.000-07:00

Vendo o funcionamento dun batán

Vendo funcionar o muíño

Visita a Finca Galea

O alumnado de infantil e primeiro ciclo, visitaron estes días a Finca Galea como complemento do traballo que están facendo sobre a auga no proxecto deste ano "Os muíños do río Xunco"

os protagonistas de natura 08

2009-04-08T15:02:00.001-07:00

memoria 08

2009-04-08T13:56:00.000-07:00

Cando redactamos o proxecto propoñiamos sistematizar o traballo de:
1. Estudar o río Xunco: a súa descrición física, as características do bosque de ribeira, as construcións, a fauna e a flora, a contaminación e as características de caudal, canle, velocidade da auga...
E fixemos varias visitas ao río Xunco en distintas estacións, para facer todas estas actividades, que resultaron moi interesantes e que supuxeron un maior coñecemento do río da nosa localidade e unha maior sensibilización cara ao seu coidado.

2. A construción de aparellos que funcionen con enerxías alternativas: elementos que funcionan con enerxía solar ou con enerxía eólica e outras renovables.
O alumnado de segundo e terceiro ciclo implicouse moito nesta actividade, que consistía no deseño de aparellos que puidesen funcionar con enerxías alternativas, moitos deles con placas fotovoltaicas e que logo na súa realización foron axudados polo profesorado, pais, nais e irmáns.

3. Toda a fachada principal do centro vai levar un mosaico de tres metros de altura, coa temática: as árbores, a terra, a auga, o aire, o mar, o amor e a solidariedade, pensamos dividila en cinco partes e este curso realizariamos a quinta parte, que se correspondería coa temática “a auga e a terra”.
Temos moi avanzada esta parte do mosaico, o alumnado de sexto de primaria que está implicado na súa realización está moi motivado con esta actividade e teñen unha especial habilidade para facelo ben. Faise en horario de plástica e tamén en momentos que serven para cambiar da actividade rutinaria de aula.

4. Mantemento dos espazos e das actividades que viñamos realizando no Centro: compostoiro, xardín, invernadoiro, reciclado de papel, e obradoiros de xoguetes con material de refugallo.

aparellos con placas solares

2009-04-08T13:50:00.000-07:00

Este ano foi o ano que traballamos na elaboración de aparellos e xoguetes que funionasen empregando placas solares e outras enerxías renovábeis.

alumnado natura 07

2009-04-08T11:13:00.000-07:00

memoria natura 07

2009-04-08T11:03:00.000-07:00

Este ano fixemos:
- Plantación de árbores autóctonas diferentes ás xa existentes no entorno do centro. na escola sobre elas.
- Elaboración duns paneis en cerámica, coa rotulación dos nomes vulgar e científico de cada árbore e debuxo da mesma con flor, froita e folla.

- Plantación de aromáticas e medicinais que aínda non temos nun rincón existente xa no centro: ruda, romero repens, menta, menta piperita, santolina, tomillo limón, orégano, manzanilla, melisa, valeriana, herba luisa,..
-Os de infantil e 1º ciclo fixeron unhas bolsas de tela, cosidas e decoradas para conter distintos tipos de aromáticas e medicinais.

- Realización dun libro entre todo o alumnado do centro, seguindo un modelo ou formato común para todos, coas características, propiedades e usos das plantas medicinais investigadas.

- Toda a fachada principal do centro vai levar un mosaico de tres metros de altura, coa temática: as árbores, a terra, a auga, o aire, o mar, o amor e a solidariedade. Este ano tocounos “as árbores”.

- Estudio das condicións climáticas da nosa zona, a través do estudio e a observación, e empregando os instrumentos que nos proporciona a caseta meteorolóxica.
O alumnado de infantil fixo observacións directa do tempo atmosférico, recollendo en fichas os días de sol, nubes, choiva e outros días onde se mezclaban día,sol, nubes..., por períodos semanais, recollendo logo todo nun libro.
Os de 1º ciclo estudiaron os elementos básicos da caseta meteorolóxica , manexo, funcionamento e utilidade de veletas, termómetros, pluviometro e otros. E logo fixeron unha recollida de datos do pluviómetro en litros por metro cuadrado.
Os de terceiro ciclo, observaron nos termómetros de máximos e mínimos, no termómetro, no pluviómetro e logo rexistraron as distintas temperaturas e precipitacións e con estas fixeron climogramas e tiraron conclusións.

- Fixemos un obradoiro sobre enerxías alternativas “a voltas coa enerxía”, onde traballaron a enerxía solar e do vento: medición de enerxía, a luz e na sombra, nunha placa solar, práctica cun coche de xoguete que leva unha placa solar, fixeron un muíño de vento de papel, mediron a voltaxe de pilas de distintos tamaños e viron un vídeo sobre enerxías renovables.

- Fixemos unha práctica de como era a elaboración do mel. O alumnado de infantil e primeiro ciclo desprazouse ao pobo veciño da Senra para observar todo o proceso de elaboración.

Un resumo do que fixemos ata o 2008

2009-04-08T10:29:00.000-07:00

Durante estes últimos anos viñemos facendo actuacións a través do programa Voz Natura, para mellorar os espazos do centro, reducindo asfalto, creando xardíns e zonas verdes, espazos de xogo, zonas de plantación de árbores autóctonas, colocación de niños, construción dunha charca e un invernadoiro, poñendo un sistema para regar con auga de chuvia, en funcionamento un compostoiro, zonas de xogo para infantil, colocación de xardineiras, construción dun mosaico para unha parede lateral e o fronte do colexio, recollida selectiva de papel e pilas, elaboración de papel reciclado, de papel maché para facer carautas, cartón pedra para facer cabezudos, reutilizando os libros de texto e outro tipo de materiais educativos dun ano para outro, creando un souto, acondicionamos unha zona para colectores de distintos residuos, investigamos sobre a compostaxe e a problemática dos incendios forestais, acondicionamos un patio interior con plantas rubideiras, continuamos coa plantación de árbores autóctonas que aínda non tiñamos e a colocación duns paneis grandes co nome científico e vulgar das plantas, cunha plantación de aromáticas e medicinais, co seguimento do tempo atmosférico e a súa influencia nas plantacións axudándonos da caseta meteorolóxica, e este último ano estudamos baixo varias perspectivas o río do noso pobo e a construción de aparellos que funcionen con enerxías alternativas e continuamos cos traballos empezados os anos anteriores.

murais de voz natura

2009-04-08T08:22:00.001-07:00

memoria natura 06

2009-04-08T05:01:00.000-07:00

- Fixemos nun rincón do colexio, unha zona onde recollemos papel, vidro, plásticos..., limitada por un cerre de madeira, que esconde contedores e que irá decorada con debuxos que xa teñen feitos os nenos e nenas onde se exprica o que se debe facer e que debe conter.
- Fixemos unha investigación, empregando as novas tecnoloxías, sobre o que era a compostaxe, as fases da mesma, as regras para elaborar un bo compost, sobre as características dos materias para a súa fácil ou difícil descomposición,... e con todo o material recollido elaboramos murais para a difusión do seu contido.
- E investigaron sobre as causas e efectos dos incendios forestais, posible medios de prevención, o nivel de risco e problemática dos incendios na zona onde vivimos... e deron a coñecer ao resto da comunidade educativa os seus descubrimentos
- Tiveron entrevistas cun garda forestal, co xefe de protección civil do concello, co concelleiro de medio ambente...
- Foron ver unha demostración dos medios que ten protección civil e do modo de actuar destes diante do lume...
- Temos elaborado o debuxo dun novo mosaico que ocupará toda a parte dianteira do centro ata unha altura de tres metros. A súa temática é o medio ambente, o mar e os valores de solidariedade e cooperación. Este ano temos feita a parte que se refire ó mar.
- E plantamos rasais, glicinas e plantas trepadoras todo arredor do patio interior, en macetas e suxeitas ás paredes con abrazadeiras.
- Repuxemos a maioría dos castiñeiros do souto, que secaran o verán pasado.
- No invernadoiro, temos as parcelas de tódolos ciclos plantadas, unhas con bulbos de flores, outras con fresas, cebolas, allos, acelgas, etc.
- Continuamos con obradoiros de reciclaxe, concretamente fixemos un de carautas, un de encadernación e un de cestería.

facendo un souto (ano 05)

2009-04-08T03:43:00.000-07:00

memoria 05

2009-04-08T03:36:00.000-07:00

Cando redactamos o proxecto propoñiamos a creación dun souto ou carballeira nunha finca lindante ao colexio que estaba a bravo.
As actividades estiveron relacionadas cos seguintes aspectos:
1. Limpeza e acondicionamento da finca.
Cortamos a maleza e preparamos o chan para a plantación coa axuda do Concello e dalgunha familia do alumnado.
Distribuímos as árbores a plantar.
Plantamos 6 carballos, 6 esvedros, 6 castiros e 2 acivros.
Estamos realizando o estudio das árbores, as súas características, coidados, usos e aproveitamentos.
Estudamos como e cando plantar.
Faremos o seguimento e coidado da plantación. Limpeza da finca.
Estamos realizando carteis rotulando co nome vulgar en galego, nome científico e data de plantación.
A realización dun obradoiro para construír caixa para niños de paxaros e comedeiros levarémola a cabo no principio do curso próximo pois non nos deu tempo a realizalo .
Mantivemos os espazos e as actividades que viñamos realizado no Centro: composteiro, charca, xardín, invernadoiro, reciclado, recuperación , reutilización e obradoiro do papel.

fotos proxecto natura 04

2009-04-08T03:21:00.001-07:00

natura 04

2009-04-07T08:58:00.000-07:00

2009-04-07T08:44:00.000-07:00

Cando redactamos o proxecto propoñiamos obxectivos e actividades relacionados cos seguintes aspectos:
1. Fixemos unha recollida de todo tipo de papel ( branco, de periódico, revistas, cartón, etc..) dándolles varios destinos:
- Reutilización para traballos de aula.
- Depósito en contedores do Concello para o seu reciclado.
- Reciclado feito no centro.
- Para ser usado no obradoiro de papel creado no Colexio.
2. Utilizamos papel e tinta reciclada no eido administrativo.
3. Reutilizamos revistas e folletos publicitarios de distintos productos para facer murais, monografías e complementos de unidades didácticas.
No local dos obradoiros estamos dispoñendo unha zona con andeis para posteriormente poñer contedores cos distintos materiais para o taller de reciclado e obradoiro do papel e na aula habilitamos unha zona para os materiais a reutilizar.
4. Estamos levando a cabo parte dos obxectivos marcados na ecoauditoría do papel que está realizándose durante este curso.
5. Melloramos ambientalmente algúns espacios como o parque infantil e zonas de plantación de árbores con elementos naturais.
6. Mantivemos os espacios e as actividades que viñamos realizado no Centro: composteiro, charca, xardín, invernadoiro,...
7. Puxemos en práctica un obradoiro do papel.
Este obradoiro tivo as seguintes actividades:
• Elaboración de papel reciclado con papel branco, de cor, de xornal e con cartón.
• Elaboración de carautas reutilizando papel de periódico.
• Realización de cabezudos.
• Fixemos monicreques con pasta de papel e confeccionamos os vestidos con telas usadas.